OPENING SALVO KANG SALUDAN FESTIVAL, MADINALAG-ON NGA GINHIWAT SA BANWA KANG TIGBAUAN

Ang Opening Salvo sang Saludan Festival ginhiwat subong nga adlaw, October 14. Kabahin sini ang mga nagkalain-lain nga aktibidades katulad sang Foot Parade

Ang Opening Salvo sang Saludan Festival ginhiwat subong nga adlaw, October 14. Kabahin sini ang mga nagkalain-lain nga aktibidades katulad sang Foot Parade nga ginpartisiparan sang bilog nga komunidad sang LGU Tigbauan, mga kabarangayan, mga publiko kag pribado nga buluthuan, mga organisasyon sa banwa kang Tigbauan, kag ang lima ka tribu nga kabahin sang Saludan Dance and Music Competition. Nagpakita man sang ila talento ang tagsa ka tribu sa ginhiwat nga Streetdance presentation kung sa diin ila ginpasundayag ang laragway sang kultura sang mga Tigbaueno. Nagpakilala man ang siyam nga mga maanyag nga kandidata sang Reyna Kang Saludan 2023. Natapos ang opening salvo sa paghiwat sang Community Dance kung sa diin nagtililipon ang mga tribo kag LGU employees sa isa ka dance presentation nga naga simbolo sang paghiliusa kang tanan. Ini paambit pa lamang sa mga daku nga aktibidad nga pagahiwaton sa banwa subong nga semana. Bantayan ang Reyna Kang Saludan sa Oktubre 17, kag Saludan Dance and Music Competition sa Oktubre 21. Sa dugang nga detalye sa schedule of Activities, bisitahi lang ang: https://m.facebook.com/story.php?story_fbid=305813958839887&id=100082338559790&mibextid=Nif5oz Dali na kag magsinadya sa maanyag nga Banwa Kang Tigbauan!