LGU TIGBAUAN MDRRMO KAUPOD ANG BARANGAY BARROC, NAGPASAKOP SA 2ND QUARTER NATIONAL EARTHQUAKE DRILL (NSED)

Ginpangunahan kang Municipal Disaster Risk Reduction Management Office (MDDRMO) kang banwa kang Tigbauan kaupod ang mga Barangay officials, volunteers kag

Ginpangunahan kang Municipal Disaster Risk Reduction Management Office (MDDRMO) kang banwa kang Tigbauan kaupod ang mga Barangay officials, volunteers kag mga pumuluyo kang Barangay Barroc ang paghiwat kang 2nd Quarter National Earthquake Drill (NSED) kang Hunyo 28, 2024. Marapit duwa ka libo ka mga pumuluyo kang Barangay Barroc ang nagpartisipar sa NSED- ini ang labing una nga barangay [community level] kag pinakahanggod nga community drill sa banwa kang Tigbauan. Ini nga aktibidad ang naging kabahin sa quarterly initiative kang Office of Civil Defence (OCD) para mapalig-on ang kaaram kag paghanda nahanunggod sa linog sa bug-os nga Pilipinas. Ang pag-perform kang “Duck, Cover, and Hold” drills kag tsunami drills, pag-evacuate, kag pag-simulate sang emergency response ang mga aktibidad kang NSED, nga may katuyuan nga ipreparar ang mga pumuluyo, mga eskwelahan, mga businesses kag mga government agancies agod nga makalikaw kag abtik nga pagresponde sa tion kang linog. Suno kay LDRRMO III, Jan Lester Tiquio, dapat guid nga mahatagan kang importansya ang earthquake drills especially ang drills sa community level kay ang aton komunidad kag ang mga pumuluyo ang mga vulnerable sa tion kang emerhensiya parehos kang linog. “Hindi lamang responsibilidad kang mga kabataan sa elementary, kag high school ang pagpartispar sa amo kaja nga aktibidad kay perme dya ginatudlo sa mga eskwelahan. Sa tulad tana, importante gid nga makamaan ang mga nanay, tatay kag ang tanan sa community agod makalikaw sila sa tion kang linog”, dugang pa niya. Madinalag-on nga natigayon ang NSED sa bulig kang mga Peace Keeping Forces. Ang National Simultaneous Earthquake Drill ginahiwat apat ka beses sa isa ka tuig. Article by Gil Jr., R. Tutesora, UPV Student Intern